स्वयम्भु बसुन्धराय् पताःया बुसादँ
येँ (सन्ध्या टाइम्स)/चस्वांद्वँ मानन्धर सनाःगू खलःया ग्वसालय् स्वयम्भू बसुन्धरा द्ययाःथाय् छानातःगु पताः बुसादँ हनाज्याया लिसें खलःया ग्वसालय् जूगु बय् पुइगु धेंधेंबल्लाः कासाय् त्याःपिंत सिरपाः इनेगु ज्या जुल।
खलःया थाकुलि अष्टनारायण मानन्धरया सभापतित्वय् जूगु उगु ज्याझ्वलय् मूपाहांकथं सभासद नविन्द्रराज जोशी झाःगु खः। खलःया सचिव रत्ननारायण न्हूजवाः साय्मिं लसकुस यानादीगु ज्याझ्वलय् मूपाहां जोशीं त्वाःया थाकुलिया लिसें कजि पूर्णबहादुर मानन्धर व दाफा गुरुपिं त्रिरत्न मानन्धर व मङ्गलनारायण मानन्धरयात बेतालिं चिकाः हनापौ लःल्हानादीगु खः ।
अथे हे खलःयात न्ह्याकेत पूर्ण प्रसाद सिरपाः कोष स्वनादीपिं कृष्णप्रसाद व चन्द्रप्रसाद मानन्धर, पुर्णहिरा कोष स्वनादीम्ह कृष्णप्रसाद मानन्धर व सनाःगू खलःया निंतिं रत्नमान-लक्ष्मीदेवी-रत्नदेवी अक्षय कोष स्वनादीम्ह रत्नदेवी मानन्धरयात नं हनेज्या जूगु खः।
खलःया ग्वसालय् जूगु बय् पुइगु कासाय् मय्जु लिजु मानन्धर न्हाप, भाजु आशिष मानन्धर लिउ व भाजु प्रणित मानन्धर लियांलिउ लाःगु खः। कासाय् निर्णायक जुयादीपिं बद्रीनारायण मानन्धर, बुद्धमान व अमृतनारायण मानन्धरपिंत सुभाय्पौ लःल्हाःगु खः ।
