प्रतापपुर दयेकेत न्यागूत्या लाख निकास
येँ (सन्ध्या टाइम्स)/वंगु मंगलवाः मलः जुनाः क्षतिग्रस्त जूगु स्वयम्भुया प्रतापपुर देगः ल्ह्वनेगु निंतिं पुरातत्व विभागयात स्वयम्भु महाचैत्य संरक्षण तथा व्यवस्थापन महासमितिं न्यागूत्या लाख तका दां बीगु जूगु दु। उगु देगः पुनर्निर्माणया भाला काःगु विभागपाखें ज्या न्ह्याकेगु लागिं प्रारम्भिक अध्ययन यायेत बजेट माग याः कथं महासमितिपाखें थ्व दां बीगु निर्णय यानागु खँ महासमितिया नायः सर्वज्ञरत्न तुलाधरं 'सन्ध्या टाइम्स' यात कनादिल ।
बजेट निकास जूगुलिं आः कन्हय् हे पुरातत्व विभागं क्षतिग्रस्त प्रतापपुरया प्रारम्भिक अध्ययन यायेत्यंगु दु। प्रारम्भिक अध्ययन लिपा जक थ्व देगः पूर्ण रुपं दयेकेगु लाकि पिने स्यंथाय् जक दयेकेगु धकाः निर्णय जुइगु खँ नं धाःगु दु ।
नायः तुलाधरं कनादी कथं आःया निर्माण पक्का जुइकेगु लागिं निरोधात्मक संरक्षण कथं दयेकीगु जूगु दु ।
