नेपाःया प्यकुं लाःगु ध्वाँय्

येँ(सन्ध्या टाइम्स)/कुवेतय् न्ह्यानाच्वंगु मिसा क्रिकेटया वुमेन्स एसीसी टी-ट्वान्टी च्याम्पियनशीप २०११ आधिकारीक वेबसाइटय् नेपाःया राष्ट्रिय ध्वाँय् प्यकुं लाःगु तयातःगु दु। क्रिकेट कुवेत डट ओरजी (cricketkuwait.org) इ थुकथंया नेपाःया ध्वाँय् तयातःगु खः ।

उगु वेबसाइट चायेकेवं कासाय् सहभागि देय्या धलखय् मलेशियाया क्वसं नेपाः दुसा उकी क्लिक यायेवं नेपाःमि टीमया नां तयातःगु च्वसं नेपाःया प्यकुं लाःगु ध्वाँय् तयातःगु खः। जबकि उकिया जवय् टीम/अफिसियलया धलः दुथाय् धाःसा नेपाःया पुलांगु हे ध्वाँय् तयातःगु दु ।