भट्टराईयात नापलायेत राष्ट्रपति नर्भिकय्

पुलाम्ह प्रधानमन्त्री कृष्णप्रसाद भट्टराईया स्वास्थ्य अवस्था थुइकेत राष्ट्रपति डा. रामवरण यादव थौं अस्पताल थ्यंकादीगु दु । येँया थापाथली स्थित नर्भिक अस्पताल थ्यंकाः राष्ट्रपति यादवं वय्कःया स्वास्थ्य अवस्थाया बारे जानकारी कयादीगु खः ।

श्वास प्रस्वासया समस्या जुयाः बुधवाः नर्भिकय् भर्ना जुयादीम्ह भट्टराईया स्वास्थ्य अवस्थाय् सुधार जुयाच्वंगु व वय्कः खतरामुक्त जूगु खँ वय्कःया उपचारय् संलग्न चिकित्सकतय्सं धाःगु दु ।