प्रधानमन्त्री प्रति एमाले नेतात असन्तुष्ट
प्रधानमन्त्री नापं नेकपा (एमाले)या नायः झलनाथ खनाल प्रति थःगु हे पार्टीया नेतातय्सं तीव्र आक्रोश प्वंकूगु दु ।
पार्टीपाखें सरकारय् वनीगु मन्त्रीतय् नां क्वःछित बिहीवाः च्वंगु एमाले स्थायी समितिया मुँज्याय् पार्टीया वरिष्ठ नेतात माधवकुमार नेपाल व केपी शर्मा ओली पक्षया नेतातय्सं प्रधानमन्त्रीया कुंखिंगु ख: ।
नेपाल व ओली पक्षधर नेतातय्सं माओवादी व एमाले नायः दथुइ जूगु न्हय्गु बुँदे सहमति पार्टी नीति अःख जूगु धासें माओवादीयात छु नं हालतं गृह मन्त्रालय बीमज्यूगु खँ धाःगु दु । गृह मन्त्रालयया बारे स्थायी समितिं निर्णय यायेमफेवं एमाले पाखें सरकारय् वनीगु नेतातय् नां नं थौं क्वःछी मफुत ।
गृह मन्त्रालय पार्टीं हे कायेगु वा माओवादीयात बीगु नापं पार्टीपाखें सरकारय् वनीपिं नेतातय् नां क्वःछीत एमालें फागुन ८ गते पोलिटब्यूरो व फागुन १० गते केन्द्रीय कमिटीया मुँज्याः सःतुगु दु ।
अथेहे सरकारय् ब्वति याकेगु बारे माओवादी सहति मेमेगू दलत नाप सहलह यायेत प्रधानमन्त्री खनालया नेतृत्वय् प्यम्ह दुजः दुगु कार्यदल निस्वंगु दु । उगु कार्यदलय् पार्टी मू छ्याञ्जे इश्वर पोखरेल नापं पार्टी नेतात नेपाल व ओली च्वनादीगु दु ।
