एमालेपाखें श्रेष्ठ निलम्बित, अन्सारी निष्कासित
नेकपा (एमाले)या अनुशासन आयोगं पार्टीया पोलिटब्यूरो दुजः नापं पुलाम्ह मन्त्री रवीन्द्र श्रेष्ठयात निलम्बन याःगु दुसाः पार्टी दुजः हमिद अन्सारीयात पार्टी दुजःपाखें निष्कासित याःगु दु ।
अनुशासन आयोगं बुधवाः श्रेष्ठयात नैतिक आचरण विपरीत ज्या याःगु धासें पार्टीया दुजः व पदीय जिम्मेवारी पाखें निलम्बन याःगु खः । श्रेष्ठं छम्ह ल्यासेनापं बेपत्ता जुयाः पार्टीया हे बदनाम याःगुलिं थप कारवाहीया निंतिं केन्द्रीय समितियात तकं निर्देशन ब्यूगु दु ।
उखे साउदी अरेवियाया निंतिं निवर्तमान राजदूत अन्सारीं देय् व पार्टीया प्रतिष्ठाय् लिच्वः लाइगु कथं आर्थिक हिनामिना याःगुलिं पार्टीया दुजःपाखें निष्कासन याःगु खः । अन्सारीं सीपिंत वःगु क्षतिपूर्ति वापतया ध्यबा थःगु हे खाताय् जम्मा यानाः आर्थिक अनियमितता याःगु खः ।
अथेहे पार्टीया दुजः सभासद् शिला कतिलां प्रधानमन्त्रीया निर्वाचनय् पार्टीया ह्वीप अःख मधेशी जनअधिकार फोरम लोकतान्त्रिकया नायः विजयकुमार गच्छदारयात मतदान याःगु सम्बन्धय् पार्टी सचेतकयात पौ छ्वयेत आयोगं निर्देशन ब्यूगु दु ।
