ज्ञानमाला सिरपाः घोषणा
येँ (सन्ध्या टाइम्स)/ज्ञानमाला भजन खलः स्वयम्भुपाखें दँय्दसं बीगु याना वयाच्वंगु ज्ञानमाला रत्नवत सिरपाः थुगुसी भिक्षु गुणघोष महास्थविरयात बीगु जूगु दु। अथे हे ज्ञानमाला भजनया लय चिनामियात बीगु सिरपाः थुगुसी प्रज्ञारत्न वज्राचार्ययात बीगु जूगु दुसा भजन खलःयात बीगु सिरपाः थिमिया पाटी विहार ज्ञानमाला भजन संघयात बीगु जूगु दु ।
ज्ञानमाला भजनयात च्वन्ह्याकेगु ज्याय् योगदान बिया वयाच्वंपिं छम्ह भन्ते, छम्ह व्यक्ति व छगू भजन खलःयात दँय्दसं थ्व सिरपाः बीगु याना वयाच्वंगु दु। खः। थुगुसी भजन खलःयात ग्वाहालि याना वयाच्वंपिं थीथी व्यक्तियात नं हनेगु ग्वसाः दुगु खँ ग्वसाः खलकं धाःगु दु ।
