न्याल्वहं पुनःनिर्माण

येँ (सन्ध्या टाइम्स)/असंया नांजाःगु न्याल्वहंया पुनःनिर्माण ज्या न्ह्याःगु दु। न्हापा बारं घेरे यानातःगु थ्व न्याल्वहं सवारी साधनं क्यलाः असुरक्षित जूगुलिं आः ल्वहं हे तजाः यानाः न्याल्वहं द्यः तःगु दु। न्या मीन राशी जूगुलिं चैत्र महिनां जक थुकिया प्रतिष्ठापन याइगु खँ धाःगु दु। असन सेवा समितिया ग्वसालय् जूगु थ्व ज्याया लागिं माःगु ल्वहं स्थानीय जनताया छेँछेँनं हःगु खः। थ्व न्याल्वहं सर्गतं कुतुं वःम्ह धइगु किंवदन्ती दु ।