राष्ट्रपति-प्रम सहलह
येँ (सन्ध्या टाइम्स)/राष्ट्रपति डा. रामवरण यादव व प्रधानमन्त्री झलनाथ खनाल दथुइ थौं सुथय् खँल्हाबल्हा जूगु दु। राष्ट्रपति ज्याकू शीतल निवासय् जूगु खँल्हाबल्हाया झ्वलय् सरकार गठनया निंतिं जूगु प्रगति व वर्तमान समसामयीक राजनीतिक परिस्थितिया बारे प्रधानमन्त्री खनालं राष्ट्रपति यादवयात जानकारी बियादीगु खः ।
अथे हे खँल्हाबल्हाया झ्वलय् प्रम खनालं मन्त्रालय बाँडफाँड सम्बन्धय् माओवादी नापं जूगु सहमतिया बारे नं राष्ट्रपतियात जानकारी बियादीगु खः ।
उगु इलय् राष्ट्रपति यादवं फक्व याकनं सरकार गठन यानाः शान्ति प्रक्रिया व संविधान च्वयेगु वातावरण सहज यायेत इनाप यानादीगु खःसा प्रम खनालं नं खँ मिले जुइ धुंकूगुलिं याकनं सरकारयात पूर्णता बीगु खँ धयादीगु खः ।
