'न्हय्गू बुँदे सहमति प्रति प्रतिबद्ध'

प्रधानमन्त्री झलनाथ खनाल व एकीकृत नेकपा (माओवादी)या नायः पुष्पकमल दाहाल 'प्रचण्डं' माओवादी व एमाले दथुइ जूगु न्हय्गू बुँदे सहमति प्रति हानं प्रतिबद्धता प्वंकूगु दु ।

प्रधानमन्त्री निवास बालुवाटराय् निम्ह नेतात दथुइ जूगु खँल्हाबंला लिपा निम्हं नेतातय्सं मंकाः रुपं विज्ञप्ति पिथना उगु प्रतिबद्धता प्वंकूगु खः । विज्ञप्तिइ शान्ति स्थापना व संविधान निर्माणयात क्वचायेकेत न्हय्गू बुँदे सहमतिया मूल मर्म व भावना प्रति थःपिं प्रतिबद्ध दुगु खँ न्ह्यथनातःगु दु ।

निम्ह नेता दथुइ न्हय्गू बुँदायात थप प्रष्ट यायेगु व उगु बुँदात पूर्ण रुपं कार्यान्वयन यायेगु सहमति जूगु दु । सहमति कथं माओवादीया गृह मन्त्रालय बीगु व याकनं हे मन्त्रिपरिषद्यात पूर्णता बीगु खँ क्वःछीगु दु ।