न्हय्गू बुँदाया सम्झौता निकास बीमखु : पौडेल
येँ (सन्ध्या टाइम्स)/एनेकपा (माओवादी) व नेकपा (एमाले)या दथुइ सरकार गठन न्ह्यः जूगु न्हय्गू बुँदाया सहमति व गठबन्धनं शान्ति प्रक्रिया व सविंधान च्वयेगु ज्यायात पूर्णता मबीगु खँ नेपाली कांग्रेस संसदीय दलया नेता रामचन्द्र पौडेलं धयादीगु दु। माओवादी अध्यक्ष प्रचण्ड व एमाले अध्यक्ष नापं प्रधानमन्त्री खनालं मनोमानी ढंगं शान्ति सम्झौता अःखः न्हय्गू बुँदाया सम्झौता याःगु द्वपं नं वय्कलं बियादीगु दु ।
दमौलीइ प्रेस युनियन तनहुं ग्वसाः ग्वःगु पत्रकार सम्मेलनय् शान्ति सम्झौताया प्रक्रिया अःखः न्हय्गू बुँदाया सम्झौतां देय्यात गुगुं हालतय् नं निकास मबीगु जक मखसें थुकिं राजनीतिक अन्यौलता ब्लंकीगु नं नेता पौडेलं धयादीगु दु ।
निगू दलया दथुइ जूगु सम्झौतां वइगु जेठ १४ गते न्हूगु संविधान जारी जुइ धइगु खँय् नं आशंका यानादीगु दु। वय्कलं नेपाली कांग्रेस जेठ १४ गते हे न्हूगु संविधान जारी यायेगु पक्षय् दुगु नं धयादीगु दु ।
