मलखं कयाः स्वयम्भु स्थित प्रतापपुर देगः क्षति

स्वयम्भु महाचैत्य परिसरय् दुगु प्रतापपुर देगः मलखं कयाः क्षति जूगु दु । थौं सुथय् ४:४५ वःगु मलखं प्रतापपुर देगःया प्यंगू भागय् क्षति यानाब्यूगु दु । मलखं कयाः देगःया जग तकं जीर्ण जूगु दुसाः देगः पिने दुगु छगू ल्वहंया द्यःया मूत्र्ति पूर्ण रुपं क्षतिग्रस्त जूगु दु ।

मलखं कयाः पिनेया ब्वः क्षति जूसां दुने गुकथंया क्षति जू वा मजू धइगु सीकेमफुनी । देगः दुने विशेष तान्त्रिक विधि यानाः सम्बन्धीत मनूत जक दुहांवने ज्यूगुलिं अनया क्षति यकिन जुइमफुनी । मलखं कयाः दुनावःगु देगःया अप्पात निगू किलोमिटर तापाकः तिन्हुयावंगु खँ स्थानीयवासीतय्सं धाःगु दु ।

सुथय् न्हापां उगु घटना जूगुलिं छुं मानवीय क्षति मजूसां अन आपालं झंगत सिनाच्वंगु दु । थ्वस्वयां न्हापा २०६० साल श्रावन १९ गते उगु देगःलय् मिं नयाः क्षति जूगु खः ।