बजेट सर्वसम्मतं पारित

तत्कालीन प्रधानमन्त्री माधवकुमार नेपालया सरकारं पुस ३ गते अध्यादेश मार्फत हःगु बजेट व्यवस्थापिका संसदं सर्वसम्मतं पारित याःगु दु ।

व्यवस्थापिका संसदया थौं च्वंगु मुँज्यां आर्थिक दँ २०६७/०६८या आर्थिक विधेयक पारित याःगु खः । उगु विधेयक उपप्रधान नापं अर्थ मन्त्री भरतमोहन अधिकारीं संसदय् पेश यानादीगु खः ।

अथेहे मुँज्यां विनियोजक विधेयक २०६७ बहुमतं पारित याःगु दुसाः राष्ट्रऋण विधेयक २०६७ व ऋण तथा जमानत विधेयक २०६७ सर्वसम्मतं पारित याःगु दु ।