न्हूगु परिस्थिति निर्माण जूसाः कांग्रेस सरकारय् वनी : कोइराला

नेपाली कांग्रेसया नेतृ सुजाता कोइरालां वर्तमान राजनीतिलय् न्हूगु परिस्थिति निर्माण जूसाः कांग्रेसं नं सरकारय् ब्वति कायेफइगु खँ धयादीगु दु ।

रिपोटर्स क्लबं थौं येँय् याःगु छगू साक्षात्कार ज्याझ्वलय् वय्कलं माओवादी व एमाले दथुइ जूगु न्हय्गू बुँदे सहिमति खारेज जुयाः न्हूगु परिस्थिति निर्माण जूसाः कांग्रेस नं वर्तमान सरकारय् ब्वति कायेफइगु टिप्पणी यानादीगु खः ।

माओवादी व एमाले दथुइ जूगु न्हय्गू बुँदे सहमति गैरप्रजातान्त्रिक व गैरसंवैधानिक जूगु धासें वय्कलं उगु सहमतिया छुं औचित्य मदुगु धयादिल । वय्कलं प्रधानन्त्री झलनाथ खनालं थःगु हे पार्टीया नेतृत्वय् दुगु सरकारया विकल्पय् थःगु नेतृतवय् सरकार गठन यानाः एकदलीय शासन यायेत स्वःगु द्वपं नं बियादिल ।