माओवादी सरकारय् वनीगु

एकीकृत नेकपा (माओवादीं) झलनाथ खनाल नेतृत्वया सरकारय् वनीगु निर्णय याःगु दु । माओवादीया हे ग्वाहालिं प्रधानमन्त्री जुयादीम्ह खनालया नेतृत्वया सरकारय् वनाः निगू दल दथुइ जूगु न्हय्गू बुँदे सहमतियात कार्यान्वयन यायेगु निर्णय माओवादीं याःगु दु ।

न्हय्गू बुँदाय् न्ह्यथनातः कथं माओवादीया गृह मन्त्रालय मबीगु एमाले अडान लिपा सरकारय् मवनीगु निर्णय याःगु माओवादीया थौं च्वंगु पदाधिकारीतय् मुँज्यां सरकारय् वनाः न्हय्गू बुँदे सहमतियात पूर्णता बीमाःगु निर्णय याःगु खः ।

सीदुकथं माओवादीं विदेश विभाग प्रमुख कृष्णबहादुर महराया नेतृत्वय् सरकारय् ब्वति काइगु जूगु दु । महरानापं माओवादी पाखें टोपबहादुर राइमाझी, दिनानाथ शर्मा, शक्ति बस्नेत लगायत नेतातय्त सरकारय् छ्वयेगु तयारी माओवादीं याःगु दु ।