स्कूलय् चुरोस, अय्लाः ज्वना वःसा सिरपाः
येँ (सन्ध्या टाइम्स)/छुं नं स्कूलं थः विद्याथीतय्त छेँय् वनीगु इलय् गृहकार्य यायेगु नाप नापं चुरोस, अय्लाः नं ज्वना वा धकाः शिक्षकतय्सं हे स्यना छ्वयेगु ज्या जुयाच्वंगु दु धकाः धायेबलय् यक्व हे मनूत अजू चायेफु ।
पर्वतया चित्रे गाविसय् च्वंगु छगू स्कूलया शिक्षकतय्सं वद्यार्थीतय्त अथे हे धयाच्वंगु दु अले थःगु छेँय् दुगु चुरोस, अय्लाः ज्वना वयेगु यानाच्वंगु दु। विद्यार्थीतय्सं छेँय् नं चुरोस व अय्लाः ज्वनाः वयेवं क्षिकतय्सं उम्ह विद्यार्थीयात गुलि भाः वंगु खः उलि हे ध्यबा सिरपाः कथं बीगु याना वयाच्वंगु दु। जिल्लाया हे नमुना विद्यालय कथं म्हस्यूगु पञ्चकोसी माध्यामिक विद्यालयया विद्यार्थीतय्सं छेँजःपिन्सं त्वनाः वयाच्वंगु चुरोस, अय्लाः, खैनी ज्वनाः वयेगु यानाच्वंगु दु। स्कूलं गांयात हे धूम्रपान व मद्यपान निषेधित क्षेत्र दयेकेगु अभियानया झ्वलय् अथे वयाच्वंगु खः। अभिभावकतय्सं चुरोस त्वनेगु, अय्लाः त्वनेगु अले खैनी नयेगु यायेवं मस्तय्सं याकनं हे सयेका काइगु जुयाः अज्वःगु ज्या पनेत हे विद्यार्थीत प्रयोग यानाः हे अभियान न्ह्याकागु खः धकाः स्कूलया शिक्षकतय्सं धाःगु दु। उगु अभियान शुरु यायेवं ४६ खा छेँ दुगु उगु गामाय् यक्व हे धुम्रपान मध्यपान म्हो जूगु दु ।
स्कूलया अभियान व थः मस्तय्सं हे दुर्व्यवहार याःगुलिं चुरोस त्वनेगु व अय्लाः त्वनेगु त्वःतेत बाध्य जूगु दु धकाः स्थानीय ज्याथम्ह अभिभावक अगन्धर चापागाईनं धयादीगु दु ।
