थौं मतिना दिवस
येँ (सन्ध्या टाइम्स)/मतिना दिवस धाइगु भ्यालेन्टाइन डे थौं विश्वन्यंकं हनाच्वंगु दु। विशेष यानाः ल्यासे ल्याय्म्हतय् दथुइ थीथी कथंया उपहार कालबिल यानाः थ्व दिवस हनेगु याइ। गुलिस्यां थ्व हे दिवसया लसताय् लाकाः मतिनाया औपचारिक प्रस्ताव तयेगु याइ। नेपालय् नं थ्व दिवसया लसताय् थीथी गिफ्ट पसः व रेष्टुरेन्टय् भिड जुयाच्वंगु खनेदु। रोमया पादरी भ्यालेन्टाइनं मतिना याःगुलिं तत्कालिन शासकतय्सं फेबु्रअरी १४ कन्हु वयात स्याना बिउगुलिं वयागु हे लुमंतिइ थौं थ्व दिवस हनेगु याइ ।
