माओवादीयात गृह बीमजिउ: थापा
येँ (सन्ध्या टाइम्स)/एनेकपा (माओवादी)यात गृह मन्त्रालय बी मजिउगु खँ राष्ट्रि जनशक्ति पार्टीया नायः लिसें पुलांम्ह प्रधानमन्त्री सूर्यबहादुर थापां धयादीगु दु। वीरगंजय् जूगु पत्रकार सम्मेलनयात संबोधन यायेगु झ्वलय् थापां सुरक्षाया दृष्टिकोणं अतिकं संवेदनशील मन्त्रालय जूगुलिं वर्तमान अवस्थाय् माओवादीयात गृह मन्त्रालय बी मजिउगु व प्रधानमन्त्रीया पद त्याग यानाः गृहय् दकलय् अप्वः प्राथमिकता बियाच्वंगुलिं थुकिं गम्भिर आशंका ब्वलंगु नं वय्कलं धयादीगु दु ।
अध्यक्ष थापां आःया अवस्थाय् माओवादीयात गृह मन्त्रालय बी मजिउ धासें माओवादी अध्यक्ष प्रचण्ड व एमाले अध्यक्ष खनाल दथुइ जूगु न्हय्गू बुँदाया सम्झौताय् न्ह्यथना तःकथं माओवादी लडाकूतय् विस्क फौज दयेकेगु व निगू दलया दथुइ जक पालंपाः सरकारया नेतृत्व यायेगु बुँदायात कयाः नं वय्कलं आपत्ति प्वंकादीगु दु ।
