थौं प्रतिस्थापन विधेयकय् छलफल
येँ (सन्ध्या टाइम्स)/व्यवस्थापिका संसदय् न्हूगु बजेत हयेगु निंतिं बजेत प्रतिस्थापक विधेयकयात कयाः थनिंनिसें सहलह न्ह्यायेत्यंगु दु। थौं न्हिनसिया १ ताः इलय् च्वनीगु व्यवस्थापिका संसदया बैठकय् अर्थमन्त्री भरतमोहन अधिकारीं प्रतिस्थापन बजेट न्ह्यब्वइगु ज्याझ्वः दु।
संसदीय प्रावधान कथं विधेयक न्ह्यब्वःगु न्हय्निघौ लिपा जक सहलह यायेमाःगु खःसां ईया अभावं उगु नियमयात खारेज यानाः थौं हे च्वनीगु निगूगु बैठकय् सहलह याइगु जूगु दु ।
थ्व स्वयां न्ह्यःया सरकारं अध्यादेशपाखें हःगु बजेट वंगु शनिवाः कुन्हु च्वंगु संसद बैठकं पारित यायेवं प्रतिस्थापन विधेयक अध्ययनया निंतिं सभासदपिंत इना बिउगु खः ।
