माओवादीयात गृह ब्यूसाः जनताय् त्रास ब्वलनी : महत

नेपाली कांग्रेसया नेता डा. रामशरण महतं एनेकपा (माओवादी)यात गृह मन्त्रालयया जिम्मेवारी ब्यूसाः जनताय् त्रास ब्वलनीगु खँ धयादीगु दु ।

व्यवस्थापिका संसदय् सोमवाः न्ववानादिसें नेता महतं माओवादी व एमाले दथुइ जूगु न्हय्गू बुँदे सहमति शान्ति सम्झौता विपरित जूगु धयादिसें उगु सहमतिलय् न्ह्यथना तःगु कथं माओवादीयात गृह मन्त्रलाय बीमज्यूगु टिप्पणी यानादिल ।

माओवादीं अझ नं सर्वसाधरणया छेँबुँ कब्जा यानातःगु धासें नेता महतं थंज्याःगु इलय् माओवादीयात गृहमन्त्रलय ब्यूसाः स्थिति भयावह जुइगु ख्याच्वः तकं बियादिल ।