नेवाः मोर्चाया येँय् न्हूगु नेतृत्व
येँ (सन्ध्या टाइम्स)/एकीकृत नेवाः राष्ट्रिय मुक्ति मोर्चा येँ जिल्लाया न्याक्वःगु सम्मेलनं न्हूगु नेतृत्व ल्यःगु दु। म्हिगः बहनी क्वचाःगु उगु सम्मेलनं पञ्चलाल महर्जनयात नेवाः मोर्चा येँ जिल्लाया न्हूम्ह नायः ल्यःगु दु ।
अथे हे न्वकु पदय् श्याम द्यःला, सानुकाजी महर्जन, राजेन्द्र महर्जन, छ्यांज्ये सुरेन्द्र महर्जन, लिउ छ्यांज्ये प्रविण द्यःला, रामकुमारी महर्जन, सोनी महर्जन, इश्वरदास साय्मि व दांभरि महेन्द्र प्रजापतियात ल्यःगु दु। उगु सम्मेलनं नेवाः मोर्चाया येँ जिल्ला समितिइ ७३ म्ह दुजः ल्यःगु खः। थ्यंमथ्यं न्यासःम्ह प्रतिनिधितय्सं ब्वति कयादीगु सम्मेलन वंगु शुक्रवाःनिसें म्हिगः शनिवाः तक निन्हुयंकं जूगु खः ।
