मातृभाषा दिवस

येँ (सन्ध्या टाइम्स)/सन् २००० निसें दँय्दसं न्ह्याका वयाच्वंगु अन्तर्राष्ट्रिय मातृभाषा दिवस थुगुसी नं येँया बंगलादेश दूतावास व लिजः नेपालभाषा कविता दबूया ग्वसालय् जुइत्यंगु दु। थ्वहे फागुन ९ गते बंगलादेश दूतावासय् थीथी भाषाया साहित्यिक व संगीत ज्याझ्वः नापं ज्यापौ न्ह्यब्वयाः उगु दिवस हनेत्यंगु खः। नेपालभाषाया कवि नापं गायकपिंसं नं ब्वति काइगु उगु ज्याझ्वः बंगलादेशया राजदूत डा. नेमचन्द्र भोमिकया अध्यक्षताय् जुइ। मातृभाषा दिवस नेपालय् न्हापांखुसी बंगलादेश दूतावास व लिजःया हे ग्वसालय् सन् २००१ स जूगु खः ।