थौं वीरगंज बन्द

येँ (सन्ध्या टाइम्स)/विद्यार्थीयात दायाः स्यानाः बिउगु विरोधय् थौं वीरगन्ज बन्द यात। बीरगन्जया नेशनल एकेडेमीया विद्यार्थी प्रवीण सिंहयात स्याःगु विरोधय् अपराधीयात कारवाही यायेमाःगु माग यासें थौं बजाः बन्द याःगु खः। विद्यार्थीतय्सं थौं सुथंनिसें सतकय् प्रदर्शन यानाच्वंगु दुसा घण्टाघर चोकय् प्रहरीलिसे ल्वापु नं जूगु दु। उकी लानाः छुं विद्यार्थीत घाःपाः जूगु दुसा प्यम्ह विद्यार्थीयात प्रहरीं ज्वंगु दु। विद्यार्थीतय्सं सुथय् छगः स्कूल बस तोडफोड याःगु दु ।