थीथी व्यक्तियात शान एवार्ड
येँ (सन्ध्या टाइम्स)/ सूचक समूह नेपालया ग्वसालय् अन्तर्राष्ट्रिय शान सिरपाः लःल्हायेगु ज्या जुल। थीथी ख्यलय् योगदान दुपिं व्यक्तित्वतय्त उगु सिरपाः लःल्हाःगु खः ।
थुगुसी उगु सिरपाः साहित्यकार एस.पी. आशा, वरिष्ठ गायिका भारती उपाध्याययात शान एवार्ड लःल्हाःगु खःसा सूचक पद्मादेवी पुरस्कार वरिष्ठ साहित्यकार लीली रिमाल व ललिता दोषीयात लःल्हाःगु खः ।
उगु हे ज्याझ्वलय् साहित्यकारपिं चन्द्रकला नेवार, जलेश्वर श्रेष्ठ, रेवती राजभण्डारी, ल्हुन्दुप लामा व कृष्णबहादुर श्रेष्ठयात हनापौ नं लःल्हाःगु खः। वय्कःपिंत मूपाहां वरिष्ठ संस्कृतिविद् सत्यमोहन जोशीजुं हनेज्या यानादीगु खः ।
उगु हे ज्याझ्वलय् मूपाहां जोशी लिसें मेम्ह पाहां गोरखापत्र संस्थानया अध्यक्ष विजय चालिसें दीपक भेटवालं च्वयादीगु सफू 'एकजोर' विमोचन यानादीगु खः।
जिथिम्ह मिसा साहित्यकार पिताम्बरा उपाध्यायया सभापतित्वय् जूगु उगु ज्याझ्वलय् गंगा शर्मां लसकुस यानादीगु खःसा साहित्यकार माया ठकुरीं नं न्ववानादीगु खः ।
सन् १९७१ य् रुसया नांजाःम्ह बैंकर्स व च्वमि सेर्गेइनाल कारानोमीं शान एवार्ड स्वनाथकूगु खः।
