'न्हय्गू बुँदे सहमति शान्ति सम्झौता विपरित'

नेपाली कांग्रेस सहित संविधानसभाय् दुथ्याःगु झिंप्यंगू दलं माओवादी व एमाले दथुइ जूगु न्हय्गू बुँदे सहमति शान्ति सम्झौता विपरित जूगु खँ धा:गु दु ।

थौं कांग्रेस संसदीय दलया ज्याकूथी च्वंगु झिंप्यंगू दलया मुँज्यां न्हय्गू बुँदे सहमति न्हापा जूगु सहमति व सम्झौता विपरित जूगु धासें उगु सहमति विरुद्ध संसदय् जोडदार रुपं पेश जुइगु निर्णय याःगु दु ।

उगु सहमति पाखें लोकतान्त्रिक पक्षधर व वामपन्धी पक्षधरत दथुइ धुर्वीकरण याइगु धासें झिंप्यंगू दलं सहमति प्रति आपत्ति प्वंकूगु दु । निगू तःधंगु वाम दलत दथुइ जूगु सहमतिं शान्ति प्रक्रियायात निष्कर्षय् थ्यंकीगु स्वयां नं झन जटिलता अप्वयेकीगु दावी नं झिंप्यंगू दलं याःगु दु ।