सरकारय् वनेत फोरमपाखें झिंखुगू बुँदे आधारपत्र तयार

नेकपा (एमाले)या नायः नापं प्रधानमन्त्री झलनाथ खनाल नेतृत्वया सरकारय् ब्वति कायेत मधेशी जनअधिकार फोरमं झिंखुगू बुँदे आधारपत्र तयार याःगु दु ।

फोरमं सरकारय् ब्वति कायेगु निंतिं आधारपत्र तयार यायेत व मेमेगू दलतनाप खँल्हाबंला यायेत शुक्रवाः रामसहायप्रसाद यादवया संयोजकत्वय् खुम्ह दुजः दुगु कार्यदल गठन याःगु दु । उगु हे कार्यदलं थौं शान्ति प्रक्रिया, संविधान निर्माण, मधेशया समस्या, सेना समायोजन व पुनःस्थापना लगायत विषयत दुथ्याकाः झिंखुगू बुँदे आधारपत्र तयार याःगु खः ।

झिंखुगू आधारपत्रय् सत्ता नेतृत्व यानाच्वंगु एमाले नापं माओवादीया आधिकारीक बिचाः फ्वनीगु खँ फोरमं धाःगु दु ।