अमेरिकी उपविदेशमन्त्री ओटेरो येँय्

प्रजातन्त्र व विश्व मामिला सम्बन्धी अमेरिकी उपविदेश मन्त्री मारिया ओटेरो स्वन्हुन्यंकया नेपाः भ्रमणया निंतिं थौं येँय् थ्यंकादीगु दु । वय्कः येँय् थ्यनेवं थौं हे मिसा बेचविखन पाखें पिडीत मिसात नाप खँल्हाबंला यानादीगु खः ।

भारत व भुटानया भ्रमण लिपा शनिवाः येँय् थ्यंकादीम्ह ओटेरों नेपाःया उच्च सरकारी पदाधिकारी व राजनीतिक दलया नेताततय् नापलाइगु ज्याझ्वः दु । वय्कलं सोमवाः भूकम्पपाखें जोखिम न्यूनीकरण बारे जुइगु गोष्ठीयात सम्बोधन नं यानादीगु ज्याझ्वः दु ।