माओवादी स्थायी समितिया बैठक, भावी रणनीति क्वःछीगु
येँ (सन्ध्या टाइम्स)/एकिकृत नेकपा (माओवादी) स्थायी समितिया बैठक आः च्वंच्वंगु दु। पार्टी मू ज्याकू कोटेश्वरस्थित पेरिसडाँडाय् च्वंच्वंगु बैठकं लिपांगु राजनीतिक परिस्थितिया समिक्षा यायेगु नापनापं पार्टीया लिपाया रणनीति नं क्वःछीगु खँ सीदुगु दु ।
सरकार गठनया निंतिं माओवादी व एमाले दथुइ जूगु न्हय्गू बुँदाया सहमति कार्यान्वयन यायेगु व मन्त्रालय बाँडफाँड यायेगु सम्बन्धय् सहमति जुइ मफयेवं माओवादीं थःगु हे समर्थनय् एमाले अध्यक्ष झलनाथ खनालया नेतृत्वय् गठन जूगु सरकारय् मवनेगु खँ धया वयाच्वंगु दु ।
