एकीकृत नेकपा माओबादीया नेतृत्वय् सरकार मदयेकीगु
नेपाली कांगे्रसया नेता कृष्णप्रसाद सिटौलां आः एकीकृत नेकपा माओबादीया नेतृत्वय् सरकार मदयेकीगु धयादीगु दु । वय्कलं छुं गथे जुयाः माओबादीया नेतृत्वय् सरकार दयेकूसा नेपाली कांगे्रस उकिइ ब्वति मकायेगु प्रष्ट यानादीगु दुसा रिपोर्टस क्लबया साक्षात्कारय् न्वंवानादिसें नेता सिटौलां आः सहमतीया सरकारया विकल्प मदुगु धयादीगु दु ।
वय्कलं फयांफत्तले सहमतिया सरकार दयेकेगु मखुसा एमालेया नेतृत्वय् मंकाः सरकार दयेकीगु दाबी यानादीगु दु । वय्कलं याकनं हे नेकपा एमालेया नेतृत्वय् सहमतिया सरकार दयेकेत्यंगु नापं दाबी यानादीगु दु । माओबादी आः प्रतिपक्षय् च्वनाः शालिन भूमिका निर्वाह यायेमाःगु बिचाः प्वंकादिसें वय्कलं अथे मजूसा देय् बांमलाःगु दुर्घटनाय् लाइगु धयादीगु दु । माओबादीं सरकार त्वःतूसां नं न्हूगु सरकार गठन यायेगु लँपुइ संसद अवरुद्ध यानाः देय्यात अकर्मण्यताय् तयेत स्वःगु द्धपं बियादीगु दु । मेगु खँय् नेता सिटौलां छुं न्ह्यः पिने हःगु भिडियो टेप असान्दर्भिक जूगु धयादीगु दुसा शसस्त्र द्धन्द्धपाखें शान्तीपूर्ण लँपुइ वयेत स्वःगु पार्टीं थः कार्यकर्तात दथुइ उगु खँ तयेगु स्वभाविक जूगु सिटौलाया धापू दु ।
