नेवाः मोर्चाया येँ सम्मेलन
येँ (सन्ध्या टाइम्स)/माओवादीया जातीय मोर्चा एकीकृत नेवाः राष्ट्रिय मुक्ति मोर्चा येँ जिल्लाया न्याक्वःगु सम्मेलन थनिंनिसें शुरु जूगु दु। सम्मेलनया उलेज्याझ्वलय् ब्वति कायेगु नितिं भोताहिति, लुँहिति व कालिमाटी लागां सांस्कृतिक झाँकी सहितया जुलुस पिकाःगु दु ।
बसन्तपुली माओवादी स्थायी समितिया दुजः कृष्णबहादुर महरा मूपाहां कथं झाइगु उलेज्या समारोहय् एकीकृत नेवाः राष्ट्रिय मुक्ति मोर्चाया केन्द्रीय नायः दिलबहादुर श्रेष्ठ, नेवाः राज्य समितिया इन्चार्ज हितमान शाक्यपिंसं न्ववानादी।
थ्यंमथ्यं न्यासःम्ह प्रतिनिधितय्सं ब्वति धाइगु बन्द सत्रं समसामयिक विषयय् प्रस्तावत पारित यानाः येँ जिल्लाया न्हूगु नेतृत्व नं ल्यइ ।
