थनिंनिसें जनजीवन सामान्य
येँ (सन्ध्या टाइम्स)/संघीय लिम्बुवान राज्य परिषदं छवाः न्ह्यवंनिसें यानाच्वंगु अनिश्चितकालिन यातायात बन्द लित कायेवं थनिंनिसें अनया जनजीवन सामान्य जूगु दु ।
म्हिगः परिषद्या नेता, यातायात व स्थानीय प्रशासनया दथुइ जूगु वार्ताय् परिषद्या कार्यकर्तातय्त त्वःतेगु नापं धनकुटाय् मि तया बिउगु माइक्रोबसयात क्षतिपूर्तिया नितिं कुतः यायेगु सहमति जूगुलिं बन्द ज्याझ्वः लित काःगु खः। निर्वाचन आयोगपाखें न्ह्याकाच्वंगु किपा सहितया मतदाता परिचयपत्र दयेकीगु ज्याया विरुद्ध धाःसा न्हियान्हिथं बाघौ तक चक्काजाम यानाः विरोध प्रदर्शन यानाच्वनेगु खँ संघीय लिम्बुवान राज्य परिषदं धाःगु दु ।
