७ बुँदे सहमतिं पत्रकार महासंघय् बबाल

येँ (सन्ध्या टाइम्स)/नेपाल पत्रकार महासंघ रुकुम शाखाया अधिबेशन प्रेस युनियन रुकुमं बहिष्कार याःगु दु। थुकिं यानाः थौं बन्द सत्र याये मफुत। क्रान्तिकारी पत्रकार संघ व प्रेस चौतारी दथुइ गोप्य रुपं ७ बुँदाया सहमति याःगु खँ सीवं युनियनं अधिबेशन बहिष्कार याःगु खः। महाधिबेशन बहिष्कार यायेवं पाहां व मू पाहां जूपिं नं पिहां वना बीवं अन बबाल जूगु खः। विशेष यानाः क्रियाशील पत्रकारतय्त महासंघया सदस्य मबिसे पार्टीया कार्यकर्तातय्त सदस्यता बियाः अधिवेशन यात धासें प्रेस युनियनं बहिष्कार याःगु खः ।