विद्यार्थीतय् ल्वापुइ छम्ह सित
येँ (सन्ध्या टाइम्स)/निगू स्कुलया विद्यार्थीतय् दथुइ जूगु ल्वापुइ छम्ह विद्यार्थी सीगु दु। वीरगंजया नेशनल एकेदमि व सिद्धार्थ इन्टरनेशनल कलेजया विद्याथीतय् दथुइ 'ग्याङफाइट'य् नेशनल एकेदमिइ झिंनिगू तगिमय् ब्वनाच्वंम्ह प्रवीणकुमार सिंह सीगु खः ।
सिंहयात सिद्धार्थ इन्टरनेशनलया विद्यार्थीतय्सं छ्यनय् रड प्रहार यानाः स्याःगु जिल्ला प्रहरी ज्याकुथिं जानकारी बिउगु दु। हत्याय् संलग्न जूगु द्वपनय् प्रहरी विक्कीकुमार गुप्तायात नियन्त्रणय् काःगु दु ।
