माओवादीयात सरकारय् ब्वति याकेगु निंतिं एमालेया पहल

न्हय्गू बुँदे सहमति कार्यान्वयन यायेत एमाले दृढ मजूसा माओवादीं सरकारय् मवनेगु निर्णय यायेवं सरकारय् माओवादीयात ब्वति याकेत एमालें थनिंनिसें थीथी दलतलिसे औपचारीक व अनौपचारीक सहलह न्ह्याकीगु जूगु दु ।

एमाले नेतातय्सं माओवादीलिसे सरकारय् ब्वतिया बारे सहलह याइगु जानकारी ब्यूगु दु । एमालें मधेशवादी लगायतया चिधंगु दलतलिसे नं सहलह यायेत्यंगु खः ।

प्रधानमन्त्री ल्यःगु गुन्हुया बिइधुंकाः नं सरकारं पूर्णता कायेफूगु मदुनि । म्हिगः एमालेया स्वम्हसित विना विभागीय मन्त्रीयारुपं शपथ ग्रहण याकूगु खः ।