माओवादी नेतात थवाङ वनीगु

एकीकृत नेकपा (माओवादीं) जनयुद्धया उद्गम थाय्या रुपं म्हसीका दुगु रोल्पाय् झः झः धायेक झिखुक्वःगु जनयुद्ध दिवस हनेगु निति तयारी याःगु दु ।

माओवादीं न्हापां जनसत्ता न्ह्याकूगु रोल्पाया थवाङय् थुगुसी जनयुद्ध दिवस तःजिगु ज्याझ्वःलिसे हनेत्यंगु नेतातय्सं जानकारी ब्यूगु दु । फागुण १ य् हनीगु जनयुद्ध दिवसया तयारी लिपांगु चरणय् थ्यंगु माओवादी रोल्पां जानकारी ब्यूगु दु ।

माओवादी नायः पुष्पकमल दाहाल 'प्रचण्ड' लिसेया शीर्षस्थ नेतात रोल्पापाखे वनेत्यंगु दु । रोल्पां माओवादी जनयुद्धय् दकले अप्वः खुसः स्वयाः आपालं मनूत सीगु खः । जनयुद्ध दिवसया लसताय् माओवादीं मेमेगु क्षेत्रय् धाःसा दीपावली, गोष्ठी लगायतया ज्याझ्वःत याना हनेत्यंगु दु ।