सरकार बारे फोरमया बैठक

येँ (सन्ध्या टाइम्स)/न्हूगु सरकारय् वनेगु लाकि मवनेगु धइगु खँ क्वःछीत थौं विहिवाःनिसें मधेसी जनअधिकार फोरमया केन्द्रीय बैठक च्वनीगु जूगु दु। येँया केन्द्रीय ज्याकुथिइ च्वनीगु बैठकं क्वःछिउगु आधारय् जक फोरम न्ह्याः वनीगु खँ उकिया अध्यक्ष उपेन्द्र यादवं धयादीगु दु।
थ्व हे दथुइ फोरमं झलनाथ खनाल नेतृत्वया सरकारय् वनेगु नितिं आन्तरिक रुपं धाःसा सहलह न्ह्याकूगु खँ सीदुगु दु। फोरम सरकारय् वन धाःसा अध्यक्ष यादवया हे नेतृत्वय् वनी धाःगु दु ।