आरुषीया मांअबु हे दोषी?

येँ (सन्ध्या टाइम्स)/भारतया आपराधिक इतिहासय् हे दकलय् स्वतुमतु स्वःगु काण्ड जुयाच्वंगु 'आरुषी हत्याकाण्ड' य् सीबीआइं हानं छक्वः सीम्ह आरुषीया बौ राजेश तलवार व मां नुपुर तलवारयात हे अभियुक्त तायेकाः मुद्दा तःगु दु। १४ दँ दुम्ह आरुषी व नेपाली ज्यामि नापं स्यानातःगु उगु काण्डय् मेपिं सुयां हे ल्हाः दुगु खने मदुगुलिं आरुषीया मांअबुं हे थ्व हत्या याःगु द्वपं बिउगु खः ।