गंगालाल तुलाधर सरकारया प्रवक्ता

सरकारं विना बिभागीय मन्त्री गंगालाल तुलाधरयात प्रवक्ताया जिम्मेवारी ब्यूगु दु । मन्त्री परिषद्या थौं च्वंगु बैठकं मन्त्री तुलाधरयात सरकारया प्रवक्ताय् ल्यःगु खः ।

प्रधानमन्त्री झलनाथ खनालं थौं मन्त्रालय क्वःमछ्यूसे एमालेया भरतमोहन अधिकारी, विष्णु पौडेल व गंगालाल तुलाधरयात शपथ नकादीगु खः ।

थ्वहे दथुइ मन्त्रीपरिषद् बैठकं येँया नागढुङ्गानिसें धादिङया नौबिसेतक्कया सतकखण्डय् टनेल निर्माण यायेगु निर्णय याःगु दु । उकिया नितिं निगू अर्ब च्यय्गू करोड तका विनियोजन याःगु दु ।