भरतमोहन अधिकारी, विष्णु पौडेल व गंगालाल तुलाधरयात मन्त्रीया सपथ

प्रधानमन्त्री झलनाथ खनाल नेतृत्वया सरकारं न्हापांगु खुसिइ मन्त्रिमण्डल विस्तार याःगु दु । प्रधानमन्त्री निर्वाचित जूगु छवाः लिपा स्वम्ह मन्त्री नियुक्त याःगु खः ।

थौं राष्ट्रपति ज्याकू शीतल निवासय् एमाले नेता भरतमोहन अधिकारीं उपप्रधानमन्त्रीया रुपय् सपथ नकादिल । वय्कःयात अर्थमन्त्री दयेकेगु खःसां थ्व जिम्मेवारी धाःसा मब्यूनि ।

अथेहे एमाले नेतात विष्णु पौडेल व गंगालाल तुलाधरयात नं थौं हे मन्त्रीया सपथ नकूगु दु । तर वय्कःपिंत मन्त्रालयया जिम्मेवारी धाःसा मब्यूनि । राष्ट्रपति डा. रामवरण यादवया उपस्थितिइ प्रधानमन्त्री झलनाथ खनालं वय्कःपिं स्वम्हेसित सपथ नकादीगु खः । सपथग्रहण ज्याझ्वलय् मेपिं विशिष्ट ब्यक्तित्वतय् नं ब्वति दुगु खः ।