प्रचण्ड गिरिजा भेट
माओवादी नायः प्रचण्डं प्रधानमन्त्रीपाखें राजीनामा बिइधुंकाः काँग्रेश सभापति गिरिजाप्रसाद कोईराला व प्रधानमन्त्री प्रचण्डदथुइ म्हिगः न्हापांगु खुसिइ नापलाये ज्या जूगु दु । उगु नापलाये ज्याय् सकारात्मक जूगु व निगू दलदथुइ खनेदुगु अविस्वास क्वःचायेकेत सहमति लिक्क थ्यंगु प्रधानमन्त्री प्रचण्डं जानकारी बियादीगु दु । वय्कलं सभापति कोईरालालिसे नागरीक सर्वोच्चता कायम यायेगु विषयसं नेपाली कांग्रेस नं सकारात्मक जुइमाःगु धयादीगु दु । कोईराला निवास महाराजगंजय् जूगु निम्ह नेतादथुइया सहलहसं सभापति कोईरालां एमालेया नेतृत्वय् न्हूगु सरकार दयेकेगु विषयसं काँग्रेशं सहमति यायेधुंकूगुिलं माओवादीयात नं ग्वाहालि यायेत इनाप यानादीगु खः । नापं वय्कलं प्रचण्डयात सरकारपिने च्वंसां नं शान्ति सम्झौता व न्हापाया सहमतित कार्यान्वयन यायेत इनाप यानादीगु खः । पार्टीया पोलिटब्युरो बैठकलिपा एकीकृत नेकपा माओवादीया नायः पुष्पकमल दाहाल प्रचण्ड नेपाली काँग्रेसया सभापति गिरिजाप्रसाद कोइरालायात नापलायेगु निितं वय्कःया निवासय् झायादीगु खः । न्हूगु राष्ट्रिय सहमतिया सरकार गठनया निितं लकस दयेकेत राष्ट्रपतिया असंवैधानिक ज्या लितः कायेगु विषयसं वय्कःिपं दथुइ म्हिगः न्हिनय् प्यताः इलय् सहलह जूगु खः ।
