नेपाली सेनां छेँय् थुवाःयात स्यात
ओखलढुंगाया थाक्ले ८ सोक्मटारय् वंगु बहनी बा माःवःम्ह नेपाली सेनाया छम्ह जवानं खुकुरीं पालाः छेँय् थुवाःयात स्यानाब्यूगु दु । थौंकन्हय् चितवनय् ज्या यानाच्वंम्ह ओखलढुंगा निसंखे ७ या जितबहादुर माझीं बा च्वंगु हे छेँय् लुटपाट यायेवं प्रतिकार यायेबलय् छेँथुवाः खुइदँया थमानसिंह राईयात स्यानाब्यूगु खः ।
माझीया खुकुरीं थमानसिंहया खुइस्वदँया कलाः जैतु राई बांमलाक्क घाःपाः जूगु प्रहरीं जानकारी ब्यूगु दु ।बांमलाक्क घाःपाः जूम्ह राईयात वासः यायेगु नितिं येँय् हःगु दु । किराना पसः न्ह्याकाः वयाच्वंपिं दम्पतिया छेँय् बाय् च्वंम्ह माझीं थमानसिंहया हत्यालिपा तिसा खुयाः बिस्युं वनाच्वंगु अवस्थाय् सुनकोशीया घुर्मी शिवालयया स्थानीय युवातय्सं खुकुरी व तिसालिसे ज्वनाः प्रहरीयात लःल्हाःगु खः । प्रहरी नियन्त्रणय् दुम्ह माझीयात कारबाहीया माग यासें स्थानीयबासी, विद्यार्थी लगायतं प्रहरी ज्याकुथिइ घेरय् याःगु खः ।
