संसद बैठक अनिश्चित
येँ (सन्ध्या टाइम्स)/मन्त्रिपरिषद् गठन याये मफयाः च्वने मफयाच्वंगु व्यवस्थापिका संसदया थौं च्वनीगु धाःगु बैठक नं अनिश्चित जूगु दु। वंगु सोमवाः नं च्वनीगु धाःगु संसदया मुँज्या सुचं तिकाः स्थगित याःगु खः। अबलय् नं मन्त्रिपरिषद गठन याये मफुनिगु अवस्थाय् प्रधानमन्त्री झलनाथ खनालं संसदय् संवोधन याइगु इलय् बांलाइ मखु धकाः थौं तकया निंतिं स्थगित याःगु खः ।
माओवादी व एमालेया दथुइ ७ बुँदे सहमति नापं मन्त्रिमण्डल दयेकेगु सवालय् विवाद जुयाच्वंगुलिं हे संसदया मुँज्या च्वने मफयाच्वंगु खः ।
