नेपाःमि स्यानाबिल
येँ (सन्ध्या टाइम्स)/भारतया मुम्बईलय् छम्ह ल्याय्म्ह नेपाःमियात स्याना बिउगु दु। विराटनगरय् छेँ जुयाः मुम्बईलय् ट्याम्पु चले याना वयाच्वंम्ह ४० दँया परमेश्वर साह नेपालय् लिहां वयेत्यंगु इलय् अज्ञात मनूतय्सं आक्रमण यानाः स्याना बिउगु खः ।
साहयाके दुगु म्हसीका पौया लिधंसाय् भारतीय प्रहरीं छेँजःपिंत खबर यायेधुंकूगु दु। आक्रमणय् लानाः मदुम्ह साहया सीम्ह कायेत वया छेँजःपिं भारतपाखे वनेधुंकूगु दुसा अनया प्रहरीं हत्याकाण्डयात कयाः अनुसन्धान यानाच्वंगु दु ।
