स्वम्ह नेपाःमि सीवं गोर्खाल्याण्ड हानं अशान्त
येँ (सन्ध्या टाइम्स)/बिस्कं गोर्खाल्याण्डया आन्दोलन याना वयाच्वंगु दार्जिलिङ्ग हानं छक्वः अशान्त जूगु दु। म्हिगः अनया गोर्खाभाषीतय्सं याःगु शान्तिपूर्ण प्रदर्शनय् प्रहरीं गोली चले याःबलय् स्वम्ह नेपाःमि सीगु खः। गोर्खा जनमुक्ति मोर्चां आह्वान याःगु झ्वलय् उगु काण्ड जूगु खः। शान्तिपूर्ण आन्दोलनय् स्वम्ह ल्याय्म्ह कार्यकर्तात सीवं मोर्चां आः अनिश्चितकालीन दार्जिलिंग बन्दया आह्वान याःगु दु। थुकिं यानाः दार्जिलिङ्ग लागा हानं छक्वः न्हापा थें हे तनावग्रस्त जू वनीगु सम्भावना ब्वलंगु खँ धाःगु दु। उकी लानाः मेपिं नं आपालं कार्यकर्ता घाःपाः जूगु दु ।
