परियत्ति विषयय् वत्तृत्व कासा
यल (सन्ध्या टाइम्स)/थनया हरिसिद्धिइ च्वंगु जेस्तापुर बुद्ध विहारय् आः नकतिकि परियत्ति ब्वँमिपिनि दथुइ बत्तृत्व कला कासा जुल। परियत्ति विषययात हे कयाः थकालि महर्जनया सभापतित्वय् जूगु कासाय् डि.ए.भि सुशील केडिया विश्व भारती स्कुलया रजनी शाक्य न्हाप, आदर्श सरल मा.वि.या निर्मला दर्लामि लिउ व चेतनमालाया सानुनानी लियां लिउ जुयादीगु खः ।
कासाय् विजयी जुयादीपिंत मूपाहां कथं झायादीम्ह संरक्षकया लिसें दाता मोतिलाल शिल्पकारं सिरपाः लःल्हानादीगु खः।
ज्याझ्वलय् निर्णायकमण्डलया प्रमुख भिक्षु पञ्ञा सागर व ज्याझ्वःया संयोजक विष्णु रत्न शाक्यपिंसं परियत्ति शिक्षाया महत्वया विषययात कयाः थःथःगु नुगः खँ प्वंकादीगु खः ।
