'शान्ति प्रक्रिया क्वचायेकेत कांग्रेसया सहमति आवश्यक'

नेपाली कांग्रेसया नेता शेरबहादुर देउवां शान्ति प्रक्रिया क्वचायेकेत कांग्रेसया सहमति आवश्यक जूगु खँ धयादीगु दु ।

नेपाल प्रेस युनियन पाल्पां बुधवाः तानसेनाय् याःगु पत्रकार सम्मेलनय् वय्कलं सरकार गठन व शान्ति प्रक्रिया बिस्कं बिस्कं विषय जूगु धासें सरकार गठनय् खनेदुगु माओवादी-एमाले गठबन्धनं शान्ति प्रक्रियायात छुं लिच्वः मलाकीगु धयादिल ।

थःगु हे पार्टीया नेता रामचन्द्र पौडेलया हुनिं थः प्रधानमन्त्रीया निर्वाचनय् बुइमाःगु दावी यानादिसें नेता देउवां पार्टी पाखें थः उम्मेदवार जूगु खःसा माओवादी व एमालें समर्थन यायेगु आश्वासन ब्यूगु दावी यानादिल ।