हानं संसदया मुँज्या लिछ्यात

व्यवस्थापिका संसदया मुँज्या हानं लिछ्याःगु दु । नेकपा (एमाले)या नायः झलनाथ खनाल प्रधानमन्त्री जुइधुंकाः न्हापांगु खुसी च्वनेगु धकाः क्वःछिनातःगु मुँज्या थौं हानं सूचं तिकाः लिछ्याःगु खः । प्रधानमन्त्री खनालं थौं संसदय् सम्बोधन याइगु धाःसां वय्कलं अझ नं मन्त्रिमण्डल विस्तार यायेमफुगुलिं संसदया मुँज्या लिछ्याःगु खँ सीदुगु दु । आः वय्कलं मन्त्रिमण्डल गठन यायेगु धुंकाः जक संसदया मुँज्या च्वनीगु खँ धाःगु दु ।