'सरकारय् भारतं ल्हाः तल'
येँ (सन्ध्या टाइम्स)/सरकार गठन यायेगु ज्याय् भारतयात चुके यानागु खःसां आः मन्त्रिमण्डल गठनया ज्याय् धाःसा भारतं ल्हाः तः वयेधुंकूगु दावी माओवादी अध्यक्ष प्रचण्डं यानादीगु दु ।
म्हिगः पार्टी कार्यकर्तातय् छगू भेलाय् संवोधन यासें अध्यक्ष प्रचण्डं माओवादीया समर्थनय् सरकार गठन यायेत सफल जुइधुंकाः आः माओवादीयात हे प्रमुख मन्त्रालयत मबीकेगु लागिं भारतं खेल म्हितेधुंकूगु द्वपं नं वय्कलं बियादिल।
वय्कलं माओवादीं थ्वहे मन्त्रालय माः धकाः आः तक माग हे मयानानिगु खँ नं अन कनादिल ।
