सभासदं न्यान्हु लिपा जक गल्ती चाल

येँ (सन्ध्या टाइम्स)/एमालेया सभासद् शीला कटिलां न्यान्हु लिपा जक थःम्हं गल्ती यानागु चायेकादीगु दु। वंगु २० गते प्रधानमन्त्रीया निर्वाचनय् पार्टीया नायः झलनाथ खनालयात मतदान मयासें मधेशी जनआधिकार फोरम लोकतान्त्रिकया नायः विजयकुमार गच्छेदारयात भोट बिइलात धकाः म्हिगः सोमवाः जक चायेकादीगु खः। पार्टीया संसदीय दलया सचेतकं फोन याये धुंकाः जकं वय्कलं अथे गल्ती यायेलात धकाः चाःगु खः। सांसद् कटिलां पार्टीया ह्वीप जारी यायेगु नियतं अथे यानागु मखु धकाः कनादीगु दु ।