मन्त्रीपरिषदय् मखु सहमति कार्यान्वयनय् समस्या : अनन्त

एकीकृत नेकपा (माओवादी)या स्थायी समिति दुजः वर्षमान पुन 'अनन्तं' माओवादी पार्टीं मन्त्रालयया भागबण्डाय् खँ क्वःमजिना मन्त्रिपरिषद् निस्वने मफूगु धइगु मखुगु प्रचारप्रति च्यूताः प्वंकादीगु दु ।

थौं शैलेन्द्र घिमिरेपाखें च्वयादीगु राप नांया चिनाखँ सफूया उलेज्या यानादिसें अनन्तं माओवादीं मन्त्रालयया भागबण्डा स्वयाः निगू पार्टीदथुइ जूगु न्हय्गू बुँदे सहमति लागू जुइमाःगु खँय् ब: बियादिल ।

वय्कलं निगू पार्टी दथुइ जूगु न्हय्गू बुँदे सहमति छु नं गोप्य व नाजायज मजूगु नं स्पष्ट यानादिल। नेता अनन्तं वामपन्थीया ध्रुवीकरण माओवादीया मू एजेण्डा खः धइगु मखुगु प्रचार जुयाच्वंगु व वामपन्थी एकीकृत जूगुलिइ सुनां नं च्यूताः कायेम्वाःगु नापं धयादिल ।